Kannada, Kannadiga, Kannadigaru, Karnataka,

Kannadigarella ondaagi Kannadavannu ulisona, kalisona and belesona

ನಿನ್ನ ನೆನಪಾಯಿತು..!!

null

ನಿನ್ನ ಕಳೆದುಕೊಂಡ ನಾನು
ಇನ್ನೂ ಬದುಕಿರುವೆನೆಂದರೆ
ಒಮ್ಮೆಯಾದರು ನೀನು ಬಂದು
ನನ್ನ ಕನಸಲ್ಲಾದರೂ ಲಾಲಿ
ಹಾಡುವೆಯೆಂಬಾ ಮಹದಾಸೆಯಿಂದ..!

ಬಯಗೊಳಿಸುವ ಕತ್ತಲಿದೆ
ಆದರೂ ಅರೆಕ್ಷಣ ಕಣ್ಣುಮುಚ್ಚುತ್ತಿಲ್ಲ!
ಕಣ್ಣಾಲೆಗಳ ತುಂಬ ನಿನ್ನ ಹಾಡುಗಳೇ
ನಿನ್ನ ಹಾಡಿನ ಲಾಲಿಯ ಜೋಕಾಲಿಯಲ್ಲಿ
ಪಾಪ ಕತ್ತಲೂ ಕೂಡ ನನ್ನ ಮುಂದೆ ಕಣ್ಮುಚ್ಚಿ ಮಲಗಿದೆ..!!

ನೋವು,ನಿರಾಸೆ,ಕಣ್ಣೀರು
ಒಂಟಿತನ,ಬೇಸರ, ತಬ್ಬಲಿತನಗಳು
ನೀ ಕೊಟ್ಟ ಬಳುವಳಿಗಳೆಂದು ತಿಳಿದ ಮೇಲೆ
ನನಗ್ಯಾವುದರ ಅರಿವಿಲ್ಲ..!!
ಹೃದಯವೇ ಇಲ್ಲದವನಲ್ಲಿ ಇನ್ನು ಅನುಭವಗಳೆಲ್ಲಿ..!!!

ನಿನ್ನ ಜಿಂಕೆಮರಿಯಂದಿದ್ದೆ
ನನ್ನ ಅಪರಾಧವಾಯಿತೆ ಗೆಳತಿ..!
ಕ್ಷಣದೊಳಗೆ ನನ್ನನ್ನಗಲಿ
ನೀ ಅಗೋಚರ ದಿಕ್ಕಿಗೆ ಸಾಗಿ ಬಿಟ್ಟೆ
ನೋಡಿಲ್ಲಿ ನನ್ನೆದೆಯಾಳದ
ಮೈದಾನ ನಿನ್ನಾಟವಿಲ್ಲದ ಬರಡು ಬರಡು..!!

ನನಗೆ ನೀನು ನೆರಳ ಕೊಡದಿದ್ದರು
ಚಿಂತೆಯಿಲ್ಲವೆ ಗೆಳತಿ..ಬಿರುಬಿಸಿಲು ಬೇಡ
ನಿನ್ನ ಚಂದ್ರನಿಗೆ ಹೋಲಿಸಿದ್ದು ನಾನು
ನನ್ನ ನಂಬಿಕೆ ಸುಳ್ಳಾಗದಿರಲಿ…!

ನಾನು ಯಾವತ್ತೂ ದೇವರನ್ನು
ನಂಬುವುದಿಲ್ಲ, ಕನಸಿನಲ್ಲಿಯು ಕೂಡ..!
ಕಣ್ಣಾಗಿದ್ದ ನೀನು ನನ್ನ ಅಗಲಿದೆಯಲ್ಲ…!

ನನಗೆ ನಿನ್ನ ನೆನಪಾಗುತ್ತಿಲ್ಲ,
ನನಗೇನು ಅನ್ನಿಸುತ್ತಿಲ್ಲ,
ನಾನೇನನ್ನು ಕಳೆದುಕೊಂಡಿಲ್ಲ,
ನೋಡಿ..ಹೃದಯವೂ ಸುಳ್ಳು ಹೇಳುವುದು
ನಿಜವಾದಂತಾಯಿತಲ್ಲವೆ?…!

ನಾನು ಇಷ್ಟೊಂದು ನಲಿವು ಗೆಲವು
ಸಂತೋಷಗಳ ಮದ್ಯೆಯೂ
ದುಃಖಿಸುತ್ತೇನಲ್ಲ ಗೆಳತಿ…
ನನಗೆ ನೋವಾಗುವುದಿಲ್ಲ..
ಬದಲಾಗಿ ನಿನ್ನ ನೆನಪಾಯಿತಲ್ಲವೆಂದು
ದುಃಖದಲ್ಲು ನಗುತ್ತಿರುತ್ತೇನೆ..!!

ನನಗೆ ಪ್ರತಿದಿನ ಬರುವ
ಕನಸುಗಳಲ್ಲಿ ಒಂದು ವಿನಂತಿಯೆಂದರೆ
ನನಗೆ ಅವಳ ಒಂದಷ್ಟು ನಗುವಾದರು ತನ್ನಿ
ನಾನು ನಗಬೇಕಿದೆ…!!!

February 18, 2007 - Posted by | Uncategorized

2 Comments »

  1. Very nice..I enjoyed reading this love poem.

    Comment by Yogesh | February 19, 2007 | Reply

  2. Exelent.

    Comment by yogesh | October 20, 2007 | Reply


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: